تنحي ميركل وفوز آنغريت

تنحي ميركل وفوز آنغريت

ميركل سيدة نساء ورجال اوروبا والأكثر تأثيرا في العالم . سيدة مجتمع نخبوي ، سيدة سياسة أوروبا ، سيدة المصانع والمعامل والشركات التي تعد أقوى إقتصاد حتى الآن . تغادر ميركل رئاسة المزيد

رابطة الكتاب السوريين تصدر العدد التاسع من مجلة (أوراق)

رابطة الكتاب السوريين تصدر العدد التاسع من مجلة (أوراق)

صدر حديثا العدد التاسع من مجلة رابطة الكتاب السوريين (أوراق) متضمنا مشاركات لنخبة من الكتاب، وتصدر المجلة في ظروف مفصلية تمر فيها الأوضاع الأليمة في سوريا والمنطقة ، وفي ذات الوقت الذي المزيد

رابطة الكتاب السوريين تدعو للتوقيع تنديدا باغتيال الصحافي جمال خاشقجي

رابطة الكتاب السوريين تدعو للتوقيع تنديدا باغتيال الصحافي جمال خاشقجي

تعيد المفارقات السياسية الكبيرة التي أثارتها قضية اغتيال الصحافي السعودي جمال خاشقجي إلى أذهان السوريين ملفات الاغتيال السياسي الفرديّ والمعمّم التي قام بها النظام السوري على مدى عقود، كما أنها تعيد تذكيرهم المزيد

تسجيلات مصورة وساعة ” آبل ” توثق إغتيال الصحافي جمال خاشقجي

تسجيلات مصورة وساعة ” آبل ” توثق إغتيال الصحافي جمال خاشقجي

مسؤول تركي اشار الى تسجيلات مصورة تظهر كيفية تعذيب و قتل الصحفي السعودي جمال خاشقجي وتقطيع جسده إلى قطع صغيرة، ويؤكد بأن الفيديو المسجل بالكاميرات التركية تبين مراحل التنقل للكادر السعودي الذي المزيد

رياض الترك في أول حديث منذ تخفيه عن الأنظار ودعوة للمراجعة النقدية

رياض الترك في أول حديث منذ تخفيه عن الأنظار ودعوة للمراجعة النقدية

في أول حديث له بعد خروجه متسللا من سوريا… رياض الترك: الخلل الرئيسي لم يعد بقاء “مجرم الحرب” بشار الأسد… الحلقة المفصلية هي إنهاء الاحتلال الأجنبي دور إسرائيل خطير جدا وقد تكون المزيد

 

الناشطة السورية لبنى مرعي ترد على حملة إعلامية تطالها

هاد الرد على كل شي انحكا باليومين الماضيين و هي اول و اخر مره رح صغر عقل و رد

انا رح إتجاوز إنو صار في استغلال للحظة كتير سيئة ومهاجمتي و السخريه مني بلحظة حزني وأنا بظرف خسارة شهيد عزيز فهادا الموضوع بخص أخلاق المريض وما كتير رح وقف عندو..
اللي بدي قولو إنو الفوته عسوريا والشغل بحماية الجيش الحر أو الكتائب الإسلامية ما بدها واسطات ولا عقل داهية
بالعكس غالبيه المقاتلين و الناشطين بالمناطق المحرره بيرحبو بكل شخص بدو ينزل يشتغل.
وعروة لجأ تقريبا لرواية غسان بن جدو واقتبس عالماشي من رواية جهاد النكاح بس بنكهتو الخاصة.
طبعا..اكيد انا بحاجه حمايه و مساعده..وهالمساعدات اللي أنا بتلقاها دائما بتكون من ناس بيتعاملو معي بمنتهى الأخلاق ونابعة من مشاعر أبوية وأخوية ومن شعورن الطبيعي بالواجب بحماية بنت وبيعتبروا هادا واجب أخلاقي مو من باب الفلاشات و المقاطع المسربه .
و مشان رجل الاعمال .. ” صاحب الظل الطويل “
بتحداه يذكر إسم رجل الأعمال اللي قلو إني بقبض راتب منو أو يقدم أي شي بيثبت صدق هالحكي
وبخصوص رويترز(انا بعتذر من مديري العزيز و من كل الصبايا الموجودين بمكتب بيروت و من كل شب و صبية عم يشتغلو لرويترز من سوريا )
المطلوب لرويترز بالتوظيف ناس عندها كفاءة وقلب قوي.
و بظن عندي ما يكفي من الصور يلي منتشره على اكتر من صحيفه عالميه بتثبت كفائتي .
و شكرا لفادي زيدان يلي وصلني بالوكاله و زكاني عندون .. و كان يتحمل نقي المستمر
يعني فاعل الخير هو فادي زيدان..لا اوباما ولا ناتنياهو
و اول غرض وصلني من الوكاله كان عن طريق فادي و طبعا في شهود ذو اسماء حقيقيه.
و بالنسبة للعبايه و النقاب..رح احكيلكون حادثه صارت من سنة ونص تقريبا ..تحديدا شهر 12 سنة 2012
في صبية شرواه بالخير محسوبة عالمثقفين و الفهمانين..اتصلت بصديقها على معبر باب الهوى و قالتلو لبنى بتشتغل لقناة الدنيا و راتبها 5 تالاف دولار
وصلني خبر
فورا من المعبر انو اطلع من سوريا و صايرة بلبلة على اسمي
بيقوم شب من الاحرار بيجبلي عبايه و حجاب بنتو
و بخليني البسهون تاني نهار مشان ما الفت نظر عالمعبر
و بعد ما صرت بتركيا نحلت القصه و رجعت بعد بفتره تغديت عالمعبر و حلينا سوء التفاهم و اعتذرو مني
بقا النقاب و العبايه كانو لابنة احد المقاتلين لحمايتي
..مو مشان الاغراءات الجنسية يا مريض
و يلي شاهد عالقصه شب اسمو عبدالله محمد من سراقب و كمان فادي زيدان و شب اسمو ابو ميسرة كان عالمعبر و صار بمصر..و الخال البانياسي و يلي كمان صار برا سوريا.و كرم الشوملي
و مشان راتبي المذهل والله لو باخد هيك راتب..اكيد مكاني بيكون حاليا تحت شي نخله بهاواي عم استلذ بهي الكاسه يلي فوقا شمسيه
و كل المقربين مني بيعرفو انو حياتي مافيها لا بذخ ولا ترف
والحقيقة خطرلي وجهلو دعوة لعروة الاحمد .. يفوت يشتغل معي اسبوع بسوريا و يتعرف عالعالم يلي عم يقدمولي حماية و يعرف مقدار الخطر يلي منتعرضلو كل يوم ..ببلد صنفوه اخطر بلد بالعالم للصحافيين، وقلت والله الشب عنده موهبة فليش ما بيفوت يشتغل شي فيلم ببلده افضل من هالعي الفاضي و جدل و احكيلي يا راهيم و انا بدي حرية بلاقي عندك حرية
أنا عندي معرفة شخصية بمئات المقاتلين والناشطين وقادة الكتائب يلي بيشهدو انو ماشافو مني غير كل خير و كنت معاهون عالصفوف الاولى و بأغلبية الجبهات
و طبعا ارشيفي برويترز بيحكي تماما شو بشتغل و الخطر يلي بتعرضلو كل يوم مشان انقل صورة من سوريا
. وأنا فعلا فعلا ما بلوم عروة وقت عقلو ما بيستوعب انو في صبية ” 22 سنه” ممكن تخاطر بحياتا و تكون عالجبهه وتحت القصف
. ولهيك كمان ما بلومو وقت بيتمسخر عقصه استشهاد صديقي
أنا عندي مئات القصص عن اللي عم يصير معي وكلها قصص مع ناس حقيقيين وإلهن أسماء وأسماء موثوقة وبترفع الراس ومانها حروف أ.ز و ع.ي و ف.ي
بأسلوب الجرايد الصفرا وصفحات الحوادث.
حكى من يومين عمر جبلاوي الناشط اللي كل أهل الساحل بيعرفوه وبيعرفوا صدقو وأخلاقو عن مشاركتي ببداية الثورة وكيف وروى تفاصيل المكالمات مع أمي وهيي مخطوفة وكيف وصل خبر وفاتها
أنا ما عندي ومتلي متل عشرات ألوف السوريين شهادة وفاة لأمي
هاد بيصنع مني خاينه ؟
بالنهايه شغلي بيحطني على تواصل مباشر مع عالم بيبذلو حياتون للدفاع عن أرضون وبلدون وأهلون -بغض النظر عن الأفكار يلي بيحملوها- بيخلي الشخص يحترم هؤلاء الأفراد أجباري عنو.
أكيد يا عروة بعدك عن المعاناة الحقيقية للناس وانعزالك بعالمك الافتراضي خلاك بعيد عن ألم الناس وبالتالي بعيد عن التعاطف عنون. وخلاك بنفس الخانة مع نظام بشار الأسد يلي بيستهزئ بعدم مبالاة بألام ومعاناة الأخرين

 لبنى مرعي

error: الموقع لا يسمح بالنسخ ، من فضلك انسخ رابط المقال وارسلة لمن يرغب
%d مدونون معجبون بهذه: