بيان تضامن ودعم للانتفاضة الشعبية في السودان

بيان تضامن ودعم للانتفاضة الشعبية في السودان

منذ ثماني سنوات، وبعد أن فوجئت القوى المعادية للنهوض والتقدم العربي، في الداخل والخارج، بانتفاضات شعبية عديدة باهرة، سلمية مطالبة بالحرية والكرامة والديمقراطية، سارعت هذه القوى لتعديل خططها. ورغم ان الانتفاضات نجحت المزيد

حسام الدين درويش :في “امتحان اللجوء” يندمج اللاجئ أو يُهان

حسام الدين درويش :في “امتحان اللجوء” يندمج اللاجئ أو يُهان

ينتقد الكاتب والباحث السوري حسام الدين درويش تركيز وسائل الإعلام على قصص النجاحات الكبيرة أو الاستثنائية لبعض اللاجئين في حياتهم المهنية أو الدراسية في ألمانيا، مذكراً أنه لا ينبغي تصوير اللجوء أو المزيد

أحمد سليمان : فالنتاين سوري وحب ممرغ بالدم

أحمد سليمان : فالنتاين سوري وحب ممرغ بالدم

فالنتاين سوري و حب ممرغ بالدم … قتلوه وهو يردد ” مرتي تاج راسي “ كتب أحمد سليمان : إزدحمت الحدائق والساحات بأغلب دول العالم ، ورود حمراء ودببة وشوكلاتة ، ثمة المزيد

مجلة ” اوراق ” تصدر في ذكرى صادق العظم و ملف خاص به

مجلة ” اوراق ” تصدر في ذكرى صادق العظم و ملف خاص به

المفترقات الكبرى التي تعصف المنطقة والعالم جعلت من صادق العظم حاضر بيننا . غيبه الموت في مثل هذه الأيام ، إلا ان كتاباته وفكره يستدعيان النقاش المفتوح والتأسيس لأرضية ثقافية شاملة . المزيد

تنحي ميركل وفوز آنغريت

تنحي ميركل وفوز آنغريت

ميركل سيدة نساء ورجال اوروبا والأكثر تأثيرا في العالم . سيدة مجتمع نخبوي ، سيدة سياسة أوروبا ، سيدة المصانع والمعامل والشركات التي تعد أقوى إقتصاد حتى الآن . تغادر ميركل رئاسة المزيد

 

محمد سليمان زادة : أنترفيـــــــو

ربما تحتوي الصورة على: ‏‏شخص واحد‏، و‏‏‏قبعة‏ و‏لقطة قريبة‏‏‏‏
_ انت ما كنت تسمع هيك أغاني ..
_ ايه صرت اسمعها
_ ليش
_ لانها ما بتذكرني بشي
_ معناها انت عم تهرب من شي
_ لا…. في شي عم يهرب مني
_ طيب لا تخليه يهرب
_ عم يوجعني .
_ ……………….
_ وين شردت
_ عندها .. رجعت شوي بافكاري مرات الفلم هيك بيرجع لوحده .. بيضل بياخدك ع الجرح ..
_ شو قالتلك دالية
_ قالتلي لما بقلك عم يوجعني قلبي بكون عن جد عم يوجعني .. عن جد يا محمد بحس بوجع ونخزات بقلبي … انا بخاف يا محمد

_ وين شردت كمان ..
_ بنتي قالتلي مرة ودموع صغيرة بعيونها..
بابا كتير بخاف اشتقلك وما شوفك … بمرض يا بابا بمرض عن جد
_ بشو حسيت وقتها
_ حسيت حالي هداك الولد اللي قال بابا شيلني … كنت رح قلها … شيليني يا بنتي .
_ شو قلتلها انت
_ ما قلتلها شي … بس ما خليتها تشوف دموع كبيرة ..
_ وشو صار
_ ما صار شي .. بس هي مرضت .
( في الدانمارك شربت بيرة كارلسبيرغ وتذكرت بيرة الشرق ..وفي بلجيكا شربت بيرة جوبلير وتذكرت بيرة الشرق .. وفي ألمانيا شربت بيرة كرومباخر وتذكرت بيرة الشرق وفي هولندا شربت بيرة هاينكن وتذكرت بيرة الشرق وفي اسبانيا شربت بيرة اسبريلا وتذكرت بيرة الشرق )
كنت على شاطئ البحر في فالنسيا فاقتربت مني يارا وانأ أتأمل البحر .. قاطعتني بهدوء العارفين .
_ بابا … هاد البحر بيوصل سوريا
_ أيه يا بنتي هاد هو البحر الأبيض
_ يعني بابا بهاد البحر عم يغرقوا الناس
( لا أعرف كيف وضعت يدي على صدري وانا اقول …
_ ايه يا بنتي بهاد البحر عم يغرقوا .
* على المسنجر رح يبلش الانترفيو. .
_ صباح الخير محمد .. نحن رح نكون ع الهوا
( اقول في نفسي .. محمد صرله سنين ع الهوا )
_ شو بتحب ما نسألك عنه
_ اسألوا كل شي .. بس 3 شغلات ما تسألوا عنها .
_ اوكه متل شو ….
_ الوطن .. الحب .. الدين .
_ طيب رح نسألك عن الحرية
_ الحرية … ما تجيبوا سيرتها .
_ طيب محمد … بيقولوا انك بتنام كتير ..
_ القصة انو انا بنام وقت اللي العالم كلها بتفيق. .
_ ليش …
_ حتى ينسوا وجودي
_ في بعيونك حزن
_ ايه كتير قالولي هالكلام ..
_ طيب شو في
_ في نص ولد عم يقول .. بابا شيلني .. ما شفتوه. .كل ما بفتح عيوني بشوفه .
_ حابب ترجع لسوريا
_ لاء … حابب سوريا ترجع
_ ليش وينها
_ راحت معهن
_ مع مين
_ مع تجار الحرب
_ يبدوا انك موجوع منها
_ من مين قصدك
_ من الحرب
_ لاء .. انا موجوع من سوريا .
……………..
_ وين شردت ..
_ انا معكم .. بس صور بتضل بتطلع براسي
_ متل شو
_ متل مقبرة … متل عيلة كاملة في قبر واحد ..
_ بشو عم تفكر
_ عم فكر مين رح يحط الوردة على قبرهم
_قبر مين
_ العيلة اللي اندفنت فوق بعض
_ بس راحوا ع الجنة ..
_ ليش بعتولك رسالة انهم وصلوا
…………..
_ وين شردت كمان
_ بالمستقبل …
_ شو حابب تصير
_ حابب صير إرهابي
_ بس ما بصير يا محمد .. انت انسان
_ الإنسانية مرض عضال .. بدي صير إرهابي
_ شو رح تعمل اذا صرت إرهابي
_ رح فجر حالي
_ وين ….
_ بشي صحرا بعيدة …
_ يبدو أنك تعبان …
_ شوي …
_ شو كنت عم تسمع قبل شوي
_ كنت عم اسمع ( مسافرين ..ولما اتصلتوا كنت عند المقطع .. لكن الدنيا سفر وال…..)
_ شو آخر كتاباتك
_ عم اكتب زبد النهايات .
_ عن شو بتحكي فيه
_ عن العنوان … زبد النهايات …
_ ليش اخترت هالعنوان … زبد
_الزبد هو ظاهرة تحدث في جميع البحار نتيجة امتزاج شديد لما تحمله مياه البحر من شوائب ومواد عضوية وأملاح ونباتات ميتة وأسماك متعفنة مما يؤدي لتشكل رغوة خفيفة جداً، تمتد أحياناً لمسافة خمسين كيلو متراً.
_ يعني هالشي عم تحكي عنه بكتابك الأخير .
_ لاء … عم احكي عن حالي …
هالشي عم يصير جواتي ……
انا زبد النهايات .

error: الموقع لا يسمح بالنسخ ، من فضلك انسخ رابط المقال وارسلة لمن يرغب
%d مدونون معجبون بهذه: