أسماء الفيصل، بنت العم وداعا… محمد علي الأتاسي

أسماء الفيصل، بنت العم وداعا… محمد علي الأتاسي

رحلت الدكتورة أسماء الفيصل، زوجة المناضل رياض الترك “ابن العم”، في كندا بعد صراع طويل مع المرض، بعيدا عن زوجها ومدينتها حمص وبلدها سورية. درست الدكتورة أسماء الطب في جامعة دمشق وتخرجت المزيد

بيان رقم (1) قيادة المظاهرات في إيران تعلن تضامنها مع الشعب السوري

بيان رقم (1) قيادة المظاهرات في إيران تعلن تضامنها مع الشعب السوري

منذ بداية الثورة الإيرانية يأتينا رسائل وتنبيهات معظمها يقول أننا مثل الثورة السورية مدعومون من اسرائيل وأمريكا أو داعش والقاعدة ولابد أن نوضح أمور وخصوصاً للمتلقي العربي أولاً : الثورة السورية ثورة المزيد

نجم الدين سمان : بين قنّاصَين

نجم الدين سمان : بين قنّاصَين

فتحتُ ديوانَهُ الشعريّ بلا تعيين؛ ربّما مِن مُنتصَفِه؛ وبدأتُ أقرأ بينما سيّارة الأجرة الصفراء تعودُ بي من بيروت إلى دمشق. حين وصلنا نقطةَ الحدود؛ كنتُ قد أنهيتُ قراءةَ النصفِ الأخير من قصائدِه؛ المزيد

حزب تودة الإيراني يدعم الإنتفاضة الشعبية ، ويشكل إحراجا لمواقف أحزاب اليسار الرسمي في سوريا ولبنان

حزب تودة الإيراني يدعم الإنتفاضة الشعبية ، ويشكل إحراجا لمواقف أحزاب اليسار الرسمي في سوريا ولبنان

يخرج حزب تودة في خطاب معاصر وداعم لإنتفاضه الشعب الإيراني . يشير الخطاب الى نضال الشعب الإيراني ” المُحبط من الاضطهاد والطغيان والغلاء والاستبداد ” ويطالب المتابعة ضد الدكتاتورية التي يهيمن عليها المزيد

أحمد سليمان : هكذا أختم عام 2017 ، كتب ثلاثة والمجد لسوريتنا

أحمد سليمان : هكذا أختم عام 2017 ، كتب ثلاثة والمجد لسوريتنا

أعترف مُسبقاً أنني احتجت إلى دقيقة واحدة كي اختار بضعَ كلمات ، ثم انصرفت لإمعان النظر فيها لأكثر من مليوني لحظة ، كنت منحازاً لما ينقص المشهد من خبطة عاطفية ، تقلب المزيد

 

الرقـــــــة : هيئة بلا شرعية ومحاكم جاهلية

Print pagePDF pageEmail page

 ماهذا السلوك ياجماعة البدع تحت مسمى الدين بل هكذا ادعياء بإسم المحكمة الشرعية ،  فمن أعطاهم حق محاكمة الناس ؟ وهل استشاروا السوريين في شرعية محكمتهم ، يالفظاعة من دحشوا انفسهم في صفوف الثورة ، الإنسانية ستحاسبهم هذا مؤكد ولن يفلتوا من الملاحقة أمام محاكم فعلية ، هنا حكاية بل ملف قضية يعتقد المتابع لها انها في “تورا بورا ” وربما حصلت في قديم الزمان .

رمال نوفل تروي تفاصيل مرعبة حصلت معها في مقر من يطلقون على انفسهم بــ ” الهيئة الشرعية ” وهذه الهيئة باتت على تبدو عليه عبئاً بل عثرة امام مسار الثورة ـــ نشطاء الرأي 

 

رمال نوفل : برمضان الخير زكاتك غير

 

المبادرة فردية حاولت شجع فيها العالم انو تشتري فناجين رسمت عليهن علمنا من مصروفي الخاص
ووقفت بيعهن بالحديقة والريع يكون من أجل مساعدة المحتاجين في شهر رمضان
دخل علينا علحديقة امبارح الساعة 9 شخص وقال شيلوا البسطة
طبعا” هالشخص مسلّح وملثّم سألناه مين انت قال هيئة شرعية
طيب ليش لنشيل قال هيك معكن نص ساعة
كان واقف معي صديق الي وبعد نص ساعة دخل 15مسلّح وملثّم وحاوطو طاولتي الصغيرة وقال مين صاحب المبادرة رد الشب انو هوه لانوا عرف اني رح انشحط
قال اشحطوه وانتي ضبي الغراض
طبعا” بلّشوا يضربوا الشب بالسيارة قدام الناس وعينوا كانت رح تطلع لولا ستر ربنا
ضبينا الغراض ورحنا عالهيئة
سألت ليش عملتو هيك؟؟ ما حدا بيعرف ليش
طب وين التصريح؟؟؟ ما في
وين الشب؟؟ بالحجز
بدنا نشوفوا. . ممنوع
وين القاضي؟؟ مو قبلان يشوفكن
المهم بعد جهد شفنا القاضي والمحقق وطلع معهن انو هنه مابيعرفوا ليش جابونا
والشب ما بيطلع لبكرا وطلبوا مني راجعهن الصبح
9ونص طلعت انا وصديقو حتى نفهم شو القصة
بدي ادخل قال ممنوع
لك ليش؟؟؟ قال لباسك غير شرعي
طيب انا ما جيتكن ولا قربت صوبكن انتوا يلي طلبتو راجعكن
روحي من هون وتعي بلباس شرعي رحت ولبست عباية
ورجعت وبعد انتظار طويل دخلونا على رئيس الهيئة سألني شو القصة وحكيت يلي صار
وقلتلوا انو مافي شي بيمنعنا ندعوا العالم انها تتبرع طبعا” انا عم اعطيهن فناجين بالمقابل
المهم ما اقتنع يمكن لاني بنت وما اخدت وسايط معي قال ممنوع وفي قرار
ولما طلعنا من عندو انطبع قرار بتاريخ22/6/2013 بيمنع وجود بسطات
يعني تاريخ اليوم
نزلنا عالقاضي قال محمد صار عند المحقق
وبمجرد ما دخلت مع محمد لعند المحقق صار يصرخ بوجهي ويقول انتي شو دخلك اطلعي برا يالله قدام كل الناس يلي معو
طلعت ورحت لعند القاضي طبعا” شيخنا عصّب ورجّع محمد عالحجز من دون تحقيق
حكينا مع القاضي وقال انت لاتحكي عم تستفزيه للشيخ
المهم صار في واسطة واستأنفوا التحقيق مع محمد
وبعد ما خلص قال قومي المحقق بدو يشوفك
طبعا” المحقق صار عندو حقد دفين تجاهي لاني ما سكتت
وقلتلهن انتوا تصرفكن غلط وما فرقت معاملتكن عن معاملة النظام النا
((طبعا” هالحكي كان بالليل الصبح حاولت قصّر لساني على قولتهن))
جلسنا ومن بداية حديثوا صار يصرخ فطلبت منو انو يكون الحديث محترم بينا
وقف ورا مكتبوا وقال ((اني محترم غصب عنك وعن يلي خلّفك))
وصاح للمسلحين مشان ((يحتجزوني))
اجت ام حمزة وهي سجّانة حمصية مو مبيّن منها غير عيونها
سحبتني بطريقة مهينة ودفشتني بالحجز وحطت كلبشات على ايديي
وقالتلي : هيك مشان تنهاني عالمزبوط يا كلبة
ومسكت الكبل وصارت تضربني وتقول بدها تربيني
بعد ما خلصت سحبت سكين وحطتها على رقبتي
وقالت (( وليه بقصلك لسانك ما بتحترمي حدا انت وكمان فيني ادبحك))
وقفت مرة تانية ضربتني
وقالت (( ياريت يتركوكي عندي اليوم بالحجز حتى علقك من ايديكي واتسلّى فيكي))
طبعا” هون اهلي ورفقاتي صار معهن خبر ونزلوا عالشرعية
ومنعوا اختي من الدخول الا باللباس الشرعي
وهيّه رفضت وقالت لأحد الأشخاص
قول لمشايخك معهن 10 دقائق يا بتطلع رمال ومحمد يا رح تجيكن طيور أبابيل اليوم
ولاتقول مرا الحكت أنا عند كلمتي. . . تهديد
طالعوني اول مرة رجعو شحطوني عالحجز
لإنوا في شيخ جليل حالف يمين انو ما اطلع. . . طيب بصوم عنّك يا شيخنا ولووووووووو
وبعدها رجعت طالعتني وقالت ((لك طلعتي ثوريّة))
كنتي احكي
يالله سامحيني انا متل اختك
بس هلأ بدي ياكي تعتزري من المحقق!!!!!!!!!
وبغرفة المحقق شافني واحد من المسلحين بمكتب المحقق
قال: (( هي سبّت علينا ما تطلع لون واسطتها الرقة كلها))
وسحب مسدسو وقال انو ازا هنه بيسكتولي هوه ما بيسكت
وبعد رجاءات من الحضور طلع برا الغرفة
والحمد لله ام حمزة سامحتني والمحقق كمان
هذا ما يحصل في أقبية الهيئة الشرعيّة اليوم

error: الموقع لا يسمح بالنسخ ، من فضلك انسخ رابط المقال وارسلة لمن يرغب
%d مدونون معجبون بهذه: