بهيدا الحوار تذكرت ” أبوفرات “و كلمات الشهيد المغدور واضح انها صارت حكمة و ثقافة بين ولاد البلد .
بنهاية الفيديو يترك الضابط سلاحو ويقرب من جهة المعارضين بعد ما أخذ الأمان منهن ، كان الحوار بيناتهن بلغة صافية ، هيدا الفيديو بيدين قوات النظام وياريت كل جندي أو ضابط مع النظام قبل ما يقصف بلدنا ويقتل شعبنا ، يفهم حقيقة واضحة بتتمثل بأن القاتل نفسه مشروع قتيل . والنظام أبداً مارح يكون بريء من دم كل السوريين سواء المعارضين أو الموالين ، شعبنا متأكد بأنو المشكلة بطغمة عسكرية وبعيلة دموية عم تلعب بحياة السوريين ، وأنو مع انتهاء حقبةالأسد بيرجع الحب وثقافة صناعة الحياة . أحمدسليمان http://opl-now.org/?p=8701
الضابط : عليك الامان عليك الامان
المعارض : و لك انت عليك الامان تعال .. من وين انت
الضابط : لك ماننا ضدكم .. انا من سورية
المعارض : من وين من سورية
الضابط : و لك من بلدنا
المعارض : لك من وين بلدك
الضابط : لك انت اخي مو انت سوري انت اخي
المعارض : طيب تعال لعنا و الله عليك الامان
الضابط يجي و يرجع جنودو .. و يقول : نحنا مانا ضدكم .. نحنا معكم .. نحنا مابدنا نهدم .. نحنا مابدنا نضر حدا .. انتو اهلنا .. انتو اخواتنا .. هدول اهالينا .. هي بيوتنا .. و الله و حياة المصحف .. لك بتعز الحياة علي الحجرة ..
