” بدي غني للناس اللي ما عندن ناس / وبدي غني لبلاد اهلها بـ غير بلاد ونسيت طعم الأعياد / لكن كيف بغني كيف / مين الي بيشن الحرب .. بإسم حقوق الانسان / بيعلنها باسم الرب .. وبايع ربه من زمان “ أحمد قعبور
اللي بليله غرقان .. سارح بهالنجمات
يتأمل انه في .. مين عم يفكر فيه
واللي هربان من الحرب .. خوفها سابقها لبعيد
لما تسأل عن اللي صار؟
امها.. تقلا ما في شي
في موت.. بصرخ ما بيطلع صوت
في موت.. كيف بغني ومالي صوت
بدي غني للناس
الي ما عندن ناس
وكانوا هني الأساس
لكن كيف بغني كيف؟
وبدي غني لبلاد
اهلها بـ غير بلاد
ونسيت طعم الأعياد
لكن كيف بغني كيف
مين الي بيشن الحرب .. باسم حقوق الانسان
بيعلنها باسم الرب .. وبايع ربه من زمان
مين الي حول هالارض
لكوكب بائس مجروح
وبيطعنها طول وعرض
والطعنة بتوصل للروح
في جروح
واصعب جرح.. جرح الروح
في جروح
يا عمي ما بدي روح
وبدي غني لبلاد
اهلها بـ غير بلاد
ونسيت طعم الأعياد
لكن كيف بغني كيف
بدي غني لولاد
بعمرن ما عاشوا ولاد
وبقيوا بهالدنيا ولاد
لكن كيف بغني كيف
