زملاء

خولة حسن الحديد : لما ندى بتكون عايشة بين المؤيدين فأنا أنحني أمام وجعها

ندى علي من أصدق الناس اللي عرفتهم من أول الثورة بكل صدقية من أكتر الناس اللي بخاف عليهم بسبب مكان تواجدهم . ندى و لا مرة قدرت تكون غير إنسانة حقيقية ، و لا مرة خانت ضميرها و دم الناس و ألمهم …. .. لما ندى بتكون عايشة بين المؤيدين بل ضمن عائلة كلها مؤيدين و بتقدر تقول و تكتب اللي عم تقوله فأنا أنحني أمامها و أمام وجعها ..

ندى علي : هي هيك القصة عندي بمنتهى البساطة

ابن اختي وابن بنت عمي و عمتي و خالي وخالتي
البنت اللي متل بنتي
ولاد الجيران ورفقاتي هدول كلن علوية غاليين عقلبي مابتمنى تنخزن شوكة
أكيد مو أغلى من أطفال كرم الزيتون والحولة والبيضا و و و و عقلب أهاليهن
جيراني ورفقاتي بأغلبن علوية ناس بحبن وبيحبوني ومستعدين يخدموني بعيونن
هدول نفسن شفت أي وحش ممكن يصيروا عليه لمجرد محاولة تقلن شو عم يصير مابقدر اتمنى أذية اللي بس ماتجاوز مرحلة التأييد لأني المعارضة الوحيدة بعيلتي
بعرف عساكر وضباط صغار أكيد ماكان ضمن مخططاتن بالحياة أنن يموتو هيك بهالبساطة ماعندن خيار الهرب أو الإنشقاق
بنفس الوقت بفرح وقت بيحرر الجيش الحر(رغم علمي أنو مو كل الحر حر) منطقة عسكرية منها عم تنقصف الناس الآمنة
كنت شاهدة عيان على مجتمع كامل بأحط حالاتو الإنسانية من لؤم وكذب ووحشية وانعدام التعاطف الإنساني وغرور فج وصفيق
لكن هل بقدر أتقبل مجزرة بحق مدنينن
أكيد لأ مابقدر مستحيل أقدر وبدينها وبرفضها
مع أني بضمير مرتاح بتمنى تنكسر شوكتن لحتى تكتسب أجيالن القادمة صفة الآدمية
الشبيحة وكل مين قتل واغتصب وعذب وسرق وتسبب بأي أذى لجهنم الحمرا حتى لو كانوا مليون شخص ومن أي طايفة كانوا مع أنو أغلبن علوية
خلي أرض سوريا تنضف منن
هيك الشغلة عندي بهالبساطة
بسيطة كتير مو
سامحونا عهالبوست الطويل

ندى علي

اظهر المزيد

نشــــطاء الـرأي

نشــــــــطاء الـــرأي : كيان رمزي وخط إنساني لحرية الإنتقاد الثقافي و الفكري والسياسي ، بدعم مالي مستقل Organization for peace and liberty – OPL : www.opl-now.org

مقالات ذات صلة

زر الذهاب إلى الأعلى
error: الموقع لا يسمح بالنسخ ، من فضلك انسخ رابط المقال وارسلة لمن يرغب
إغلاق
إغلاق
%d مدونون معجبون بهذه: